CAUAYAN CITY – Arestado ang isang graphic artist sa isinagawang anti illegal drug buy-bust operation ng Cabagan Police Station sa Brgy. Cubag, Cabagan, Isabela.
Sa naging panayam ng Bombo Radyo Cauayan kay PMaj. Rey Lopez, hepe ng Cabagan Police Station, sinabi niya na ang inaresto ay si alias “Father”, isang graphic artist at residente ng Brgy. Balelleng, Sto. Tomas, Isabela.
Nakumpiska ng mga pulis sa pag-iingat ng suspek ang isang pakete na naglalaman ng hinihinalang shabu na may timbang na 0.7 grams at nagkakahalaga ng P3,500, tatlong foil, isang Knife, lighter at gunting.
Dinala sa Cabagan Police Station ang suspek para sa dokumentasyon at kaukulang disposisyon at mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Tiniyak ng Cabagan Police Station na mas paiigtingin pa nila ang pagsasagawa ng police operations upang masugpo ang iba’t ibang illegal na gawain at krimen.
Tinig ni PMaj. Rey Lopez.
