--Ads--
CAUAYAN CITY – Nasugatan ang dalawang menor de edad na badjao matapos mabangga ang sinasakyan nilang motorsiklo ng isang van sa Batal, Santiago City.
Ang mga biktima ay edad 14 at 15 na mga residente ng Mabini, Santiago City.
Ang tsuper naman ng Van ay si Jowel Espinola, 46-anyos, at residente ng San Pascual, Batangas.
Sa pagsisiyasat ng mga otoridad, binabagtas ng dalawang sasakyan ang magkasalungat na direksyon nang pumasok ang motorsiklo sa kabilang linya dahilan upang mabangga ng van.
--Ads--
Nagtamo ng sugat sa iba’t ibang bahagi ng katawan ang dalawang sakay ng motorsiklo na agad namang dinala sa pagamutan.
Kalaunan ay nagkausap at nagkaayos din ang dalawang panig.
