CAUAYAN CITY – Naaresto ang isang lalaki sa isinagawang drug buy bust operation ng mga awtoridad sa Brgy. Dibul, Saguday, Quirino.
Ang pinaghihinalaan ay si alias Matang Lawin, 40-anyos, meat vendor, may asawa at residente ng Maria Clara, Diffun, Quirino.
Nakuha sa pag-iingat ng suspek ang isang heat sealed transparent sachet na naglalaman ng hinihinalang shabu.
Nasamsam din sa kanya ang isa pang heat sealed transparent sachet na naglalaman din ng hinihinalang shabu, isang 1,000 peso bill na nagsilbing buy bust money, apat na piraso ng boodle money na nagkakahalaga ng P500 at isang cellphone.
Ang mga nasamsam na kontrabando ay may kabuuang timbang na 0.80 grams at may standard drug price na halos P4,000.
Sa ngayon ay nasa kustodiya na ng pulisya ang suspek at mahaharap sa kasong paglabag sa Republic Act 9165 (Comprehensive Dangerous Drugs act of 2002).
