Kinoronahan bilang Miss Tourism Philippines Queen Worldwide si Princess Wendy Muldong ng Tarlac Province, habang itinanghal namang Miss Tourism Philippines Universe si Princess Diane Tutaan mula sa Cauayan City.
Tinanghal namang 1st Runner-Up si Xyra Ballesteros mula sa Quirino Province, habang si Ashley Amori Gamboa ng Cagayan Province ang 2nd Runner-Up.
Nakuha naman ni Catherine Ashley Somera ng Ilocos Sur ang titulong 3rd Runner-Up, at si Alicia Princess Raleigh ng Olongapo City naman ang 4th Runner-Up.
Bukod sa mga pangunahing titulo, kinilala rin si Manelle Lianne Cayne Dela Cruz mula sa General Trias, Cavite bilang Miss Tourism Ambassador, at si Jhudiel Eunisse Taguinod mula sa Isabela Province bilang Miss Tourism Asia International.
Layunin ng nasabing pageant na itampok ang kagandahan, talino, at kakayahan ng mga Pilipina, gayundin ang pagsusulong ng turismo at kultura ng Pilipinas sa lokal at pandaigdigang antas.
Ginanap ang Grand Coronation Night ng Miss Tourism Philippines 2025 kagabi, Oktubre 16, 2025, sa FLDY Coliseum dito sa lungsod ng Cauayan.
Samantala, pakinggan natin ang naging sagot sa Question and Answer Portion ni Miss Tourism Philippines Queen Worldwide Princess Wendy Muldong ng Tarlac Province sa tanong na: “What are the biggest obstacles to tourism growth in the Philippines?”
Pakinggan din natin ang bahagi ng Question and Answer portion kung saan tinanong si Miss Tourism Philippines Universe Princess Diane Tutaan ng Cauayan City ng tanong na: “If I were a genie in a bottle and could grant you one wish, what would that be?”
