Inanunsyo ng South Korean global superstars na BTS na hindi sila magsusumite ng anumang entry para sa 2027 Grammy Awards, kasunod ng pagdaragdag ng Recording Academy ng bagong kategorya para sa Asian pop music.
Sa magkasanib na pahayag na ibinahagi ng mga miyembro sa kanilang personal na social media accounts, sinabi ng grupo na nais nilang makilala at mahalin ang musika batay sa kalidad nito at hindi sa rehiyon o wikang ginagamit.
Dumating ang anunsyo matapos ilunsad ng Recording Academy ang bagong kategoryang Best Asian Pop Music Performance, na sumasaklaw sa K-pop, J-pop, C-pop at iba pang musikang gumagamit ng mga wikang Asyano.
Sa kabila ng kanilang desisyon, nagpasalamat pa rin ang BTS sa kanilang milyun-milyong tagahanga o ARMY sa buong mundo para sa patuloy na suporta at pagmamahal sa grupo.
Samantala, maraming tagahanga ang nagpahayag ng suporta sa naging hakbang ng BTS at sinabing ipinakikita lamang nito ang paninindigan ng grupo na ang pagkilala sa musika ay dapat nakabatay sa sining, kalidad at talento, at hindi sa pinagmulan o wikang ginagamit nito.
