CAUAYAN CITY – Umakyat na sa pito ang namatay dahil sa COVID-19 sa lalawigan ng Nueva Vizcaya.
Ang namatay na pasyente ay si CV 945, 73-anyos na babae at mula sa Quirino, Bagabag.
Una rito ay nakaranas ng lagnat at ubo ang pasyente noong ika-3 ng Setyembre.
Ipinasakamay siya sa Region 2 Trauma and Medical Center subalit pumanaw din noong ika-4 ng Setyembre dakong alas Siete ng umaga.
Kahapon lamang din nang dumating ang kanyang laboratory test at positibo sa COVID-19.
Kaugnay nito ay nakapagtala ngayong araw ang lalawigan ng sampong panibagong kaso ng COVID-19.
Apat ang mula sa bayan ng Bagabag, dalawa sa Solano, dalawa sa Villaverde habang tig-isa naman sa mga bayan ng Aritao at Bayombong.
Ang mga bagong pasyente ay pawang may pakikisalamuha sa mga una nang nagpositibo sa lalawigan.
