Iginiit ni Leyte Representative at dating House Speaker Martin Romualdez na mananatili niyang paninindigan ang kanyang innocence at haharapin ang kasong plunder laban sa kanya.
Sinabi ni Romualdez na iginagalang niya ang utos ng Sandiganbayan na ilipat siya sa Quezon City Jail at handa siyang sagutin sa tamang korte ang mga alegasyon laban sa kanya.
Nagpasalamat din siya sa Cardinal Santos Medical Center at Philippine General Hospital, habang sinabi namang patuloy niyang susundin ang payo ng kanyang mga doktor.
Inilipat si Romualdez sa PGH noong Sabado mula sa Cardinal Santos Medical Center, kung saan siya pinagsilbihan ng warrant of arrest kaugnay ng P7.4-bilyong plunder case.
Kabilang sa kaso sina dating House appropriations panel chairperson Zaldy Co, personal assistant ni Romualdez na si Joselyn Tragua Serenio, at Felicito Cristobal Guevarra ng Samchan Foreign Exchange Corporation.
Ayon sa Office of the Ombudsman, may kaugnayan ang kaso sa umano’y pagtanggap ng bilyun-bilyong kickback at iba pang financial benefits mula sa mga flood control, infrastructure at iba pang proyekto ng gobyerno mula 2022 hanggang 2025.
