Inilabas na ng Senado ang opisyal na listahan ng mga senador na itinalaga bilang chairpersons ng mga committee sa ilalim ng ika-20 na balangkas ng Kongreso.
Pangungunahan ni Sen. Rodante Marcoleta ang dalawang mahalagang komite: ang Accountability of Public Officers and Investigations o mas kilala bilang Blue Ribbon Committee, at ang Committee on Trade, Commerce and Entrepreneurship.
Kabilang din sa mga binigyang ng malaking papel si Sen. Alan Peter Cayetano, na ngayon ay hahawak sa Apat na committee, kabilang ang: Committee on Accounts; Committee on Higher, Technical and Vocational Education; Committee on Justice and Human Rights; Committee on Science and Technology.
Samantala, si Sen. Francis “Kiko” Pangilinan ang hahawak sa Committee on Agriculture, Food and Agrarian Reform, habang si Sen. Bam Aquino naman ang inatasang mamuno sa Committee on Basic Education.
Sa larangan ng mga isyung pambansa at panlipunan, itinalaga si Sen. Robin Padilla bilang chairman ng tatlong komite – ang Committee on Constitutional Amendments and Revision of Codes, Committee on Cultural Communities and Muslim Affairs; Committee on Public Information and Mass Media.
Samantala, si Sen. Imee Marcos ang bagong pinuno ng mga sumusunod: Committee on Cooperatives; Committee on Foreign Relations; Committee on Labor, Employment and Human Resources Development.
Pinangunahan naman ni Sen. Pia Cayetano ang: Committee on Energy; Committee on Sustainable Development Goals, Innovation and Futures Thinking; Committee on Ways and Means.
Itinalaga bilang Committee Chairperson si Sen. Erwin Tulfo sa Games and Amusement; at Social Justice, Welfare and Rural Development.
Ang Committee on Health and Demography; Sports; at Youth ay pangangasiwaan naman ni Sen. Bong Go.
Pamumunuan din ni Sen. Raffy Tulfo ang Committee on Migrant Workers; at Public Services:
Kabilang naman sa iba pang mga committee chairpersons ang mga sumusunod na binigyan ng tig-iisang komite:
Sen. Camille Villar – Environment, Natural Resources and Climate Change
Sen. Win Gatchalian – Finance
Sen. JV Ejercito – Local Government; Tourism
Sen. Jinggoy Estrada – National Defense and Security, Peace, Unification and Reconciliation
Sen. Bato dela Rosa – Public Order and Dangerous Drugs
Sen. Mark Villar – Public Works
Samantala, wala namang pamumunuang komite ang mga Senador na kabilang sa Minority Bloc na sina: Sen. Riza Hontiveros, Sen. Juan Miguel Zubiri, Sen. Loren Legarda, Sen. Ping Lacson, at Sen. Tito Sotto.
