Pormal na inihalal ng Senado ngayong Lunes si Senador Francis “Chiz” Escudero bilang presiding officer ng impeachment trial ni Vice President Sara Duterte.
Inihain ni Senador Panfilo Lacson ang nominasyon ni Escudero, sa kabila ng pagtutol ni Minority Leader Alan Peter Cayetano.
Matatandaang pinamunuan na rin ni Escudero ang impeachment court noong 2025 habang siya ay Senate President pa.
Haharap si Duterte sa paglilitis kaugnay ng mga reklamong culpable violation of the Constitution, graft and corruption, betrayal of public trust, bribery, at iba pang mabibigat na krimen. Ito ang ikalawang pagkakataon na inimpeach siya ng Kamara de Representantes matapos ang impeachment complaint na inaprubahan nitong Mayo.
Nauna nang nagdeklara ang Korte Suprema noong 2025 na labag sa Konstitusyon ang unang Articles of Impeachment na inihain laban sa bise presidente.
