Haharapin ng Gilas Pilipinas ang unbeaten na China sa kanilang huling laro sa Group C preliminaries ng men’s basketball sa 20th Asian Games ngayong tanghali sa Aichi International Arena sa Nagoya, Japan.
Magtutuos ang dalawang koponan alas-12 ng tanghali, oras sa Pilipinas, kung saan target ng Gilas na makuha ang upset win upang maselyuhan ang kanilang puwesto sa quarterfinals.
Nasa ikatlong puwesto ang Gilas na may tatlong puntos mula sa isang panalo at isang talo, habang nangunguna sa grupo ang China na may apat na puntos mula sa dalawang panalo.
May dagdag na hamon sa Gilas ang China na naghahangad bumawi matapos talunin ng Pilipinas, 77-76, sa semifinals ng nakaraang Asian Games sa Hangzhou noong 2023.
Ayon kay Gilas coach Tim Cone, batid nilang magiging mahirap ang laban dahil sa laki at lalim ng lineup ng China, ngunit determinado ang koponan na harapin ito nang direkta.
Samantala, umaasa ang Gilas na maipagpapatuloy ang magandang shooting matapos magpakawala ng 16 three-pointers sa 109-78 panalo kontra Kazakhstan noong Sabado.
Maaari ring umusad sa quarterfinals ang Pilipinas sakaling matalo sa China nang dikit at maging isa sa dalawang best third-place teams sa preliminary round.
