Tumikada ng straight-set victory si Filipina tennis star Alexandra “Alex” Eala matapos talunin si Diane Parry ng France, 6-3, 6-1, upang makausad sa second round ng WTA 500 Ningbo Open sa China nitong Lunes.
Ito ang unang panalo ni Eala sa kasalukuyang Asian swing matapos ang sunod-sunod na first-round exits sa Singapore Open at Wuhan Open.
Naging dikit ang unang set nang magtabla sa 3-3 ang dalawa, ngunit sunod-sunod na nakuha ni Eala ang tatlong laro upang angkinin ang set, 6-3.
Dala ang momentum sa second set, agad na nakalamang ang Pinay tennis star sa 4-0 bago nakabawi ng isang laro si Parry. Gayunman, muling nagpakitang-gilas si Eala at kinuha ang huling dalawang laro upang selyuhan ang panalo, 6-1.
Sa post-match interview, nagpahayag ng kasiyahan si Eala sa pag-usad sa susunod na round at nagpasalamat sa suporta ng mga Pilipinong patuloy na sumusubaybay sa kaniyang kampanya.
Susunod na makakaharap ni Eala, na nakapuwesto sa world No. 20, ang mananalo sa laban nina Yulia Putintseva at Diana Shnaider sa second round.
