Arestado ang isang indibidwal matapos isilbi ang warrant of arrest para sa kasong Reckless Imprudence Resulting to Serious Physical Injuries and Damage to Property sa Brgy. Malvar, Santiago City.
Isinagawa ang pag-aresto ng pinagsanib na pwersa ng City Mobile Force Company (CMFC) at Police Station 1 sa bisa ng warrant of arrest na inisyu ng Municipal Trial Court in Cities, Branch 2 ng Santiago City.
Ang naturang warrant ay may inirekomendang piyansa na ₱30,000.
Matapos ang pag-aresto, ipinaalam sa akusado ang kanyang mga karapatan alinsunod sa batas.
Kasalukuyan siyang nasa kustodiya ng Police Station 1 para sa kaukulang dokumentasyon bago isailalim sa turnover sa hukuman na naglabas ng warrant.
Ayon sa pulisya, bahagi ang operasyon ng pagpapatupad ng kapayapaan at kaayusan sa ilalim ng Safer Cities Initiative ng Philippine National Police.
