--Ads--
Iniulat ng Islamic Revolutionary Guard Corps o IRGC ng Iran na inatake ng kanilang Navy ang isang unmanned vessel na “Saildrone-type” ng Estados Unidos sa Strait of Hormuz.
Ayon sa IRGC, napigilan nila ang umano’y misyon ng naturang unmanned vessel.
Samantala, iniulat ng United Kingdom Maritime Trade Operations o UKMTO na nakatanggap sila ng ulat na tinamaan ng projectiles ang dalawang barko sa karagatan sa labas ng Oman.
Sa Red Sea naman, sinabi ng Yemen-based Houthi group na nakontrol nila ang strategic port city ng Mocha, na nagbibigay umano sa kanila ng mas malaking kontrol sa Bab al-Mandeb Strait, isa sa pinakamahalagang ruta ng kalakalan sa mundo.
--Ads--
