Bahagyang bumilis ang bagyong Verbena, na kasalukuyang nasa paligid ng Inabanga, Bohol.
Ayon sa PAGASA, ang sentro ng bagyo ay nasa bisinidad ng Inabanga, Bohol, na may lakas ng hangin na 55 kph at pagbugso hanggang 90 kph.
Ang Typhoon Signal No. 1 ay nakataas sa mga sumusunod na lugar:
Luzon: Occidental Mindoro, Oriental Mindoro, Romblon; Araceli, Taytay, El Nido, Dumaran, Roxas, San Vicente, Puerto Princesa City sa Palawan, kabilang ang Calamian, Cuyo, at Cagayancillo Islands; Balud, Mandaon, Milagros, Cawayan, Placer, Pio V. Corpuz, Esperanza, Uson, Dimasalang, City of Masbate, Mobo, Palanas, Aroroy, Cataingan, Baleno sa Masbate.
Visayas: Antique, Aklan, Capiz, Iloilo, Guimaras, Negros Occidental, Negros Oriental, Siquijor, Cebu, Bohol, Samar, Eastern Samar, Biliran, Leyte, Southern Leyte.
Mindanao: Dinagat Islands, Surigao del Norte, Surigao del Sur, Agusan del Norte, Agusan del Sur, Camiguin, Misamis Oriental; Bukidnon (Baungon, Libona, Manolo Fortich, Sumilao, Impasug-ong, City of Malaybalay, Malitbog, Cabanglasan); Misamis Occidental (Sapang Dalaga, Calamba, Baliangao, Plaridel, Lopez Jaena, Oroquieta City, Aloran, Panaon, Jimenez, Concepcion); Zamboanga del Norte (Jose Dalman, Manukan, Pres. Manuel A. Roxas, Katipunan, Dipolog City, Polanco, Piñan, Dapitan City, La Libertad, Sibutad, Rizal, Mutia).
Matapos ang pag-landfall sa Jagna, Bohol bandang 11:10 ng gabi ng Lunes, inaasahang tatawid ang bagyo sa Visayas at Palawan, bago dumiretso sa West Philippine Sea sa umaga ng Nobyembre 26.
Ayon sa PAGASA, posibleng makalabas na sa bansa ang bagyong Verbena sa madaling araw o umaga ng Huwebes, Nobyembre 27. Patuloy rin ang pagbibigay-babala sa posibilidad ng malakas na pag-ulan sa mga apektadong lugar.
